"Torresin heç bir günahı yoxdur"
11 Yanvar 2013 13:37 (UTC+04:00)
"Çelsi" klubunun baş məşqçisi Rafael Benitez komandasının İngiltərə
Liqa kuboku çərçivəsində "Suonsi"yə məğlubiyyətini şərh edib.
Oyundan sonra keçirilən mətbuat konfransında danışan ispaniyalı
mütəxəssis məğlubiyyətin səbəbini bir nəfərin üzərinə atmağın
düzgün olmadığını bildirib: "Rəqibin qapısı ağzında xeyli təhlükəli
epizodlar yaratdıq. Lakin bundan yararlana bilmədik. Futbolda əsas
təhlükəli vəziyyət yaratmaq deyil, qol vurmaqdır. Rəqibimiz yaxşı
oynadı və güclü komanda olduqlarını sübut etdilər. Məğlubiyyəti
təkcə Torresin üzərinə atmaq düzgün deyil. Buna bütün komanda
üzvləri cavabdehdir. Torresin heç bir günahı yoxdur". Qeyd edək ki,
"Çelsi" kubokun yarımfinal mərhələsinin ilk oyununda öz meydanında
"Suonsi"yə 0:2 hesabı ilə uduzub.