20 Yanvar Brüsseldə anılacaq
11 Yanvar 2013 16:50 (UTC+04:00)
Bildiyiniz kimi qarşıdan 1990cu il yanvarın 20-də Sovet ordusu
tərəfindən Azərbaycan xalqına qarşı törədilmiş kütləvi qırğının
ildönümü gəlir. Bu məqsədlə həm ölkəmizdə, həm də ölkəmizdən
kənarda müxtəlif tədbirlər keçiriləcək. Belə tədbirlərin biri də
Brusseldə keçiriləcək. Belçika Azərbaycanlıları Cəmiyyəti faciənin
qurbanlarını anmaq və beynəlxalq qurumların və avropa
ictimaiyyətinin diqqətinə çatdırmaq üçün konfrans düzənləməyi
qərara alıb.
Konfrans "20 Yanvar Azərbaycan xalqının qanlı və şərəfli tarixidir"
mövzusunda keçiriləcək. Konfransda 20 Yanavar faciəsini əks etdirən
filmin ingilis dilində nümayiş olacaq, müxtəlif çıxışlar və fikir
mübadilələri olacaq. Bundan başqa konfransa Avropa Parlamentinin,
Avropa İttifaqının, bir sıra xarici diplomatik korpusların
nümayəndələri, Belçikada yaşayan azərbaycanlılar, yerli
belçikalıların da iştirakı gözlənilir.