Hökumət Evinin arxasından bomjun meyidi tapıldı
11 Yanvar 2013 17:40 (UTC+04:00)
Bu gün Bakı şəhərinin Səbail rayonu ərazisində kişi meyiti tapılıb.
Lent.az-ın məlumatına görə, Puşkin küçəsi, 5 ünvanının qarşısında
(Hökumət Evinin arxa tərəfi) 45-50 yaşlı kişiyə məxsus meyit
aşkarlanıb. İlkin araşdırmalar nəticəsindən məlum olub ki, ölən
şəxs 1966-cı ildə Şəmkir rayonunda anadan olmuş Ələkbərov Heydər
Ələsgər oğludur. Məlumata görə, H.Ələkbərov xeyli müddətdir
küçələrdə gecələyirmiş. Qeyd edək ki, paytaxtda havanın temperaturu
mənfiyə enən kimi Bakının müxtəlif yerlərində səyyar sığınacaqlar
yaradılması planlaşdırılır. Əmək və Əhalinin Sosial Müdafiəsi
Nazirliyinin İctimaiyyətlə Əlaqələr şöbəsindən bildirilib ki,
sığınacaqlarda gündə 3 dəfə yemək, isti çay və ilk tibbi xidmət
göstəriləcək.