ARDNŞ Qazıməmməd-Qazax qaz kəmərindəki partlayışla bağlı açıqlama yayıb
11 Yanvar 2013 18:14 (UTC+04:00)
Partlayışla bağlı Göyçayda 6 kənd və rayon mərkəzinin 1500
abonentinin qaz təchizatı dayandırılıb
Azərbaycan Dövlət Neft Şirkəti Qazıməmməd-Qazax magistral qaz
kəmərində baş vermiş partlayışla bağlı açıqlama yayıb. Məlumata
görə, qəza ilə əlaqədar Göyçay rayonunun 6 kəndi və rayon
mərkəzinin 1500 abonentinin qaz təchizatı dayandırılıb.
"Azəriqaz" İstehsalat Birliyinin ictimaiyyətlə əlaqələr şöbəsinin
müdiri Araz Ağayevin verdiyi məlumata görə, qəzanın operativ olaraq
aradan qaldırılması məqsədi ilə qurum tərəfindən bütün mümkün
tədbirlər həyata keçirilir.
Təmir işləri aparılan müddətdə respublikanın digər yaşayış
məntəqələrinin qaz təchizatında məhdudiyyətlər olmayacaq.