Təhsil nazirliyi TQDK-ya ismarıc göndərdi
14 Yanvar 2013 13:10 (UTC+04:00)
Bu gündən Tələbə Qəbulu üzrə Dövlət Komissiyası (TQDK) 5-ci sinif
Azərbaycan-dili dərsliyinin monitorinqinə başlayıb. Bu məlumatı
Movqe.az-a Təhsil Nazirliyinin dərslik və nəşriyyat şöbəsinin
müdiri Faiq Şahbazlı verib. Onun sözlərinə görə, TQDK tərəfindən
dərsliklərin monitorinqinin aparılmasının mahiyyəti dərsliklərin
səhvlərdən təmizlənməsinə və cilalanmasına xidmət edən bir işdir.
Odur ki, Təhsil nazirliyi bu monitorinqin kemçirilməsinin əleyhinə
deyil. Amma F. Şahbazlı dərsliklərdə plagiat axtarışının
qeyri-çiddi iş olduğunu söylədi: "İsimə verilən tərifi götürək, bu
tərifi müəllif durub dəyişməyəcək ki. Yaxudda hansısa elementdən
İngiltərədə də, Rusiyada da dərsliklərdə istifadə olana bilər. Bu o
demək deyil ki, həmin elementdən bizim müəlliflər istifadə etməli
deyil".
Şöbə müdiri istisna hallarda bir dərslikdə bir neçə elementin oxşar
olma hallarının mümkün olduğunu söylədi: "Buna görə isə
Qiymətləndirmə Şurasının heyyətini günahlandırmaq olmaz. Onlar bunu
bilməyə də bilər. Belə götürəndə bilmək hec borcları da deyil. Amma
əlbəttə, müəllif özü buna görə məsuliyyət daşımalıdır. Əgər hər
hansısa dərslikdə belə köcürmə halları tez-tez təkrarlanarsa Şura
həmin müəllifə xəbərdarlıq edəcək ki, növbəti tenderlərə qatılmaq
haqqını itirə bilər. Bütövlükdə götürdükdə isə hec vaxt bütöv bir
dərsliyin plagiat olmasından söhbət gedə bilməz. Fikrimcə, TQDK bu
monitorinqi dərsliklərdən səhvlərin yığışdırılması,
dərsliklərimizin cilalanmasına xidmət edən bir tədbir kimi həyata
kecirməlidir. Bir-birimizdə məqsədli şəkildə eyib axtarmağa qalası
olsa nə qədər desən eyib tapmaq olar".