Sürücülük vəsiqəsinin etibarlılıq müddəti azaldıla bilər
15 Yanvar 2013 13:20 (UTC+04:00)
Azərbaycanda sürücülük vəsiqəsinin etibarlılıq müddətinin
qısaldılması gözlənilir. APA-nın məlumatına görə, bununla
bağlı "Yol hərəkəti haqqında" qanuna dəyişiklər gözlənilir.
Dəyişikliklər bir sıra ictimai qurumların müraciəti əsasında bir
qrup deputatın təşəbbüsü ilə parlamentdə müzakirəyə çıxarıla bilər.
Əsas səbəb kimi sürücülük vəsiqəsi olanların sağlamlığının 10 ildən
bir yoxlanmasının xeyli uzun müddət olması göstərilir. Qeyd edək
ki, qanunun 34-cü maddəsində sürücülük vəsiqəsinin etibarlıq
müddəti 60 yaşına çatmamış şəxslər üçün 10 ildən bir göstərilir və
bu müddət tamam olduqdan sonra sürücü yenidən sağlamlığı ilə bağlı
arayış təqdim edir. Nəzərdə tutulan dəyişiklik qəbul edilərsə, bu
müddət azaldılacaq. Dəyişiklərdə 70 yaşdan yuxarı sürücülər də
nəzərə alınıb. Belə ki, onlar üçün nəzərdə tutulan 2 il müddəti də
azaldıla bilər. Layihənin Milli Məclisin yaz sessiyasında
müzakirəsi gözlənilir.