Polislər qəzaya düşdülər
15 Yanvar 2013 13:07 (UTC+04:00)
Bakının Suraxanı rayonunda polis əməkdaşları xidmət zamanı ağır yol
qəzasına düşüblər. Rayon Polis İdarəsindən verilən məlumata görə,
yanvarın 15-nə keçən gecə Dədə Qorqud qəsəbəsində içərisində polis
əməkdaşlarının olduğu "Fiat-Double" markalı maşın Elçin Bayramovun
idarə etdiyi "VAZ-2109" markalı avtomobillə toqquşub. Qəza zamanı
polislər – 31 yaşlı Şamil Cəbrayılov, 47 yaşlı Rafiq Qazıbəyov və
"VAZ-2109"un sürücüsü E.Bayramov xəsarət alıblar. Faktla bağlı
araşdırma aparılır.