Qurd kimi ulayan siçan
15 Yanvar 2013 15:49 (UTC+04:00)
Movqe.Az bildirir ki, ABŞ-ın cənub qərb
torpaqlarında və Meksikaya yaxın olan quraq ərazilərində, kiçik
amma son dərəcə qorxulu bir gəmirici yaşayır. Sonora çölündə
gecələri ortaya çıxan və təzə ət axtaran bu gəmirici, çəyirtkədən
böcəklərə qədər nə tapsa yeyir. Sonra isə aya baxaraq bir qurd kimi
uluyur. Elm adamları, zəhərə dözümlü bu canlı sayəsində yeni bir
ağrı kəsici dərman hazırlamaq istəyirlər. Vəhşi gəmiricinin çəhrayı
pəncələrindən zəhərli bir əqrəb belə xilas ola bilmir. Kiçik
gəmirici, əqrəbi tutaraq onun burnuna dayanmadan zərbələr vurur,
sonra quyruğunu qıraraq əqrəbi torpağa sıxır. Sonda isə, əqrəbin
başını dişiylə parçalayır və onu yeməyə başlayır. Bu qorxulu
səhnələrdən sonra hər dəfə "zəfər ulamasını" unutmayan canlı,
çəyirtkə siçanıdır, yəni "Onychomys torridus" adlanır. Kiçik boyuna
baxmayaraq gecələrə dəhşət saçan canlının xüsusiyyəti, Şimali
Amerikada yaşayan tək ət yeyən gəmirici olmasıdır. Çəyirtkə
siçanının elm insanları tərəfindən bənzərsiz edən xüsusiyyəti isə
əqrəb qanına müqavimətli olmasıdır. Bunun sayəsində, tədqiqatçılar
siçandan istifadə edərək onun tibb dünyasına köməkçi ola biləcəyini
düşünürlər.