Ələt-Astara yolunda dəhşətli qəza
15 Yanvar 2013 17:43 (UTC+04:00)
Azərbaycanda ağır yol qəzası baş verib. Baş Dövlət Yol Polisi
İdarəsinin istintaq və təhqiqat şöbəsindən verilən məlumata görə,
hadisə Biləsuvar rayonunun Alar kəndində qeydə alınıb. Ələt-Astara
yolunun 123-cü kilometrliyində "Qazel" markalı, 01 BG 479 dövlət
nömrə nişanlı mikroavtobus qarşıdan gələn "VAZ 21-06 " markalı, 44
BB 575 dövlət nömrə nişanlı minik avtomobili ilə toqquşub. Hadisə
nəticəsində minik avtomobilində olan 1937-ci il təvəllüdlü Ülfət
Qasımova dünyasını dəyişib. Avtomobildə olan digər sərnişinlər
1974-cü il təvəllüdlü Zəhra Rzayeva, 1961-ci il təvəllüdlü Ülkər
Rzayeva, 1999-cu il təvəllüdlü Mirzə Ağazadə ağır bədən xəsarətləri
ilə xəstəxanaya yerləşdiriliblər.