Bu günlərdə Şimali Kipr Türk Cümhuriyyətində (ŞKTR) səfərdə olan millət vəkili Aydın Mirzəzadə ilə bağlı bu ölkənin parlamentində qalmaqal yaşanıb.
Bu barədə ŞKTR parlamentinin
başqanı Hasan BozerAzərbaycan mətbuatına
açıqlamasında məlumat verib.
Onun sözlərinə görə, qalmaqala səbəb azərbaycanlı millət vəkilinin
SKTR parlamentin xüsusi qonaqlar üçün nəzərdə tutulan şərəf
salonunda türk, daha doğrusu, qardaş Türkiyənin bayrağı altında
oturmaqdan imtinası olub.
"... Bizdə ən hörmətli, ali qonaqları şərəf salonunda qəbul
edirlər. Mən də onun salona alınmasını tapşırdım. Salona girincə
onun başqa bir yerdə əyləşdiyini gördüm. Dəvət etdim ki, yaxın
əyləşsin. Ancaq o bildirdi ki, mənim yanımda əyləşmək istəmir.
Səbəb kimi başının üzərindəki türk bayrağını göstərdi. Mən dərhal
onunla görüşməyi rədd etdim və dostlardan onu salondan çıxarmağı
rica etdim.
Azərbaycandan olan birisinin türk bayrağı yanında durmadığını
kimlərsə söyləsəydi, buna inanmazdım. Baş verənlərdən çox üzgünəm.
Mən dünyanın dörd bir yanından gələn bütün müsafirlərimizi də
burada qəbul edirəm. Baş verən bu olay bizi o qədər incitdi ki,
Türkiyə XİN-ə yazılı məlumat da verdik..." - deyə, o, Azərbaycan
mediasına açıqlamasında daha sonra bildirib.
Gün.Az-a açıqlamasında belə bir olayın baş
verdiyini təsdiqləyənA.Mirzəzadə isə deyib ki,
həqiqətən də sözügedən şəxsdən görüş istəyib.
Millət vəkilinin dediyinə görə, salonda iki kreslo qoyublarmış və
birinin yuxarı tərəfində Kiprin bayrağı, digərində isə Türkiyənin
bayrağı asılıbmış:
"Mən Azərbaycan vətəndaşıyam və millət vəkiliyəm, öz dövlətimin
bayrağı altında əyləşə bilərəm. Türkiyə bizə qardaş, dost ölkədir.
Amma yenə də prosedurlara əməl olunmalıdır. Mənim sözlərimə əsəbi
reaksiya oldu və mənimlə görüşdən imtina etdi. Mən də parlamenti
tərk etdim".
O, sonda öz hərəkətində bir daha haqlı olduğunu deyib.