"Made in Azerbaijan" televizorları çoxalıb
21 Yanvar 2013 11:11 (UTC+04:00)
2012-ci ildə kompüter, elektron və optik məhsulların, elektrik
avadanlıqlarının istehsalı sahəsində məhsul istehsalının həcmi
331,6 milyon manat olub. Dövlət Statistika Komitəsindən verilən
məlumata görə, əvvəlki illə müqayisədə elektrik avadanlıqlarının
istehsalı 1,8 dəfə artıb.
İl ərzində 190 ədəd güc transformatorları, 5,2 min ədəd məişət
soyuducuları istehsal edilib, televizorların istehsalı 27,2 faiz
artıb. 2013-cü il yanvarın 1-nə müəssisələrin anbarlarında 46,1
milyon manatlıq və ya ölkə sənayesi üzrə olan hazır məhsul
ehtiyatının 15,8 faizi qədər hazır məhsul ehtiyatı qalıb.