AŞPA-da Azərbaycanla bağlı məruzə dinləniləcək
21 Yanvar 2013 11:12 (UTC+04:00)
Bu gün Strasburqda Avropa Şurası Parlament Assambleyasının qış
sessiyası başlayacaq. İclasın gündəliyində Azərbaycanın qurum
qarşısında götürdüyü öhdəliklər, Kosovoda vəziyyət,
Rusiya-Gürcüstan məsələsi müzakirə olunacaq.
Sessiyanın ilk günü Gürcüstan prezidenti Mixail Saakaşvili çıxış
edəcək. Daha sonra AŞPA-da "Rusiya ilə Gürcüstan arasında müharibə:
müharibə yaşamış rayonlara humanitar yardım" adlı məruzə də
nəzərdən keçiriləcək.
Həmçinin sessiya çərçivəsində Azərbaycanın Avropa Şurası qarşısında
götürdüyü öhdəliklərinin yerinə yetirməsinə dair məruzə və ölkədəki
siyasi məhbuslarla bağlı ayrıca qətnamə də daxil edilib. Sonuncu
məsələ ilə bağlı rəsmi Bakı öz etirazını çatdırıb və bu qətnamənin
heç bir əsasının olmadığını bildirib.
Qeyd edək ki, AŞPA-nın qış sessiyası yanvarın 21-dən 25-dək
keçiriləcək.