Köpəkbalığını quyruğundan tutdu
21 Yanvar 2013 15:28 (UTC+04:00)
Movqe.Az bildirir ki, Avstraliyada
ailəsiylə tətil edən ingilis turist Paul Marşallszea ölkənin ən
məşhur çimərliklərindən biri olan "Bulcock"da uşaqların
oynadığı dayaz suya bir köpəkbalığının yaxınlaşdığını görüb. Suya
xilasedicilərdən əvvəl çatan Marşallszea köpəkbalığını quyruğundan
tutaraq baş verəcək faciənin qarşsını alıb. "Daily Mail" qəzetinin
xəbərinə görə, 62 yaşlı Marşallszea uşaqların və hətta körpələrin
oynadığı yerə yönələn köpəkbalığını quyruğundan tutaraq tərs
çevirib. Marşallszea hadisəni bu sözlərlə izah edib: "Mənə doğru
döndü və qıçımı dişləməyə çalışdı. Sürətli bir hərəkətlə özümü
xilas etdim. Təhlükəli olduğunu bilirdim, amma onun dərin sulara
doğru üzməsinə kömək etdim."