Diqqət! Bu gün ilin ən stressli günü hesab olunur
21 Yanvar 2013 16:22 (UTC+04:00)
Movqe.Az bildirir ki, Yanvar ayının üçüncü
bazar ertəsi gününə "mavi bazar ertəsi" adı verilib. "Daily
Telegraph"ın xəbərinə görə, "Birkbeck College"in psixologiya
mütəxəssisləri, insanların xoşbəxtlik dərəcəsini müəyyən etmək üçün
araşdırma aparıb. Araşdırmaya qatılan 80 adamı ən çox xoşbəxt edən
şey, yerdə 10 sterlinq tapmaları olub. Ən cansıxıcı şey isə, pis
çalınan bir skripkadan çıxan səslər olduğu aydın olub. Bala itlərlə
oynamaq, şokolad yemək, gülən körpə şəkillərinə baxmaq da
xoşbəxtlik verən amillərdən hesab olunur. Çürük diş və ağlayan
körpə şəkilləri əsəbləri pozur. Kişilərin yerdə olan pula sevinmə
nisbəti müsbət 90, qadınlarda bu nisbət təxminən 10 bal daha
aşağıdır. Lakin qadınlar, ümumi xoşbəxtlik nisbəti hesablamalarına
görə kişilərdən üst sırada yer tuturlar. Qadınlarda bu nisbət 66,
kişilərdə 58-dir. Araşdırmanı icra edənlər Funke Baffour, işgüzar
həyat tərzi yaşayan insanların daha çox xoşbəxt anlar
axtardıqlarını bildirib. O, "Mavi bazar ertəsi" kimi günlərin
əhvalı pozduğunu və depressiyadan qorunmanın sadə yollarına
göstərib. Beləliklə, gözəl bir musiqi dinləmək, kimisə tərifləmək,
ev heyvanlarına yaxud sevdiyimiz insanlara maraq göstərmək üçün
daha çox vaxt ayırmaq bu sadə yollardan bir neçəsidir.