Bir fincanı 50 dollara olan qəhvə
21 Yanvar 2013 19:40 (UTC+04:00)
Movqe.Az bildirir ki, Taylandda fillərin
mədələrində qıcqırdılan tumlardan əldə edilən dünyanın ən bahalı
qəhvəsi hazırlanır. Qəhvə ağaclarından toplanan meyvələr fillər
üçün hazırlanan yala qatılır. Qəhvə nüvələri mədə və bağırsaqlardan
keçərək çölə çıxır. O nüvələr təmizlənib toplanır. 33 kilo qəhvə
ağacı meyvəsindən yalnız 1 kilo nüvə əldə edilə bilir.
İstehsalındakı çətinliyinə görə bu qəhvənin kilosu 1100 dollara
başa gəlir. Özünəməxsus bir qoxu və dadının olduğu ifadə edilən bu
qəhvədən bir fincan içmək isə 50 dollara başa gəlir. Çox az
miqdarda əldə edildiyi üçün fərqli bir yeri olan qəhvə
istehsalından əldə edilən gəlirin bir hissəsi filləri qoruma
dərnəyini gedir. İndoneziyada da bir meymun cinsindən bənzər
şəkildə qəhvə əldə edilir.