22 Yanvar 2013 12:01 (UTC+04:00)
Dünyanın ən iri fastfud restoranlar şəbəkəsinə malik "McDonald's"
Amerikanın Dirborn şəhərinin müsəlmanlarına 700 min dollar həcmində
cərimə ödəyəcək. Şəhərin müsəlman əhalisi "McDonald's"da satılan
sendviçlər halal şəkildə hazırlanmadığını aşkar ediblər.
Şirkəti məhkəməyə hələ 2011-ci ildə Dirborn şəhərinin sakini Əhməd
Əhməd adlı şəxs verib. O, iddiasında bildirib ki, restoranın
menusunda məhsulların halal olduğu göstərilsə də, məhsullar əslində
halal olmayıb. Onun vəkili müəyyən edib ki, restoran halal
məhsullar bitəndə onların əvəzinə tez-tez adi sendviçlər
satırmış.
Qeyd edək ki, ABŞ-da "McDonald's"un halal məhsullar təklif edən
cəmi 2 restoranı fəaliyyət göstərir. Restoranların ikisi də Dirborn
şəhərində yerləşir. Orada yaşayan müsəlmanların sayı isə 150 min
nəfərdir. "McDonald's"un ödəyəcəyi cərimə Deytroyt xəstəxanası və
Müsəlman Mədəniyyət Mərkəzinə köçürüləcək.