Movqe.Az bildirir ki, İngiltərədə qarda
oynayan və qar dənələri tutmağa çalışan pişiyin videosu "Youtube"da
5 gün ərzində təxminən 2 milyon dəfə izlənib. İngiltərədə Jef Çarls
adlı bir adam, ölkənin bir hissəsinin qar altında qaldığı gün evə
işdən tez gəldiyini bildirib. Çarls, ilk dəfə qar görəcək "Fletçer"
adlı pişiyini oynaması üçün çölə buraxıb. Pişiyin qarda oynamasını
və qar dənələri tutmağa çalışmasını videoya çəkən Çarls, sonra bu
videonu məşhur video paylaşım saytı "Youtube"a yükləyib. "Pişik
qarla tanış oldu" başlıqlı video, 18 yanvarda sayta yüklənməsindən
bu yana 1,86 milyondan çox izlənib. Pişiyinin bütün gün çöldə
oynadığını söyləyən Jef Çarls, "Fletçer və qardaşı bütün günü çöldə
qarda oynayıb. Arada içəri girərək istilənir və yenidən çölə
çıxırdılar." deyib.