Azərbaycan Dövlət Aqrar Universitetinin (ADAU) tələbə yataqxanasında Azərbaycan Respublikası Fövqalədə Hallar Nazirliyinin Gəncə Regional Dövlət Yanğın Nəzarəti idarəsinin əməkdaşlarının iştirakı ilə tələbələr arasında yanğın təhlükəsizliyi qaydalarına dair maarifləndirmə işinin aparılması məqsədilə görüş keçirilib.
ADAU-nun mətbuat xidmətindən bildirilib ki, tədbiri giriş sözü ilə tədris işləri üzrə prorektor, dosent Anar Hətəmov açıb. Universitetdə yanğın təhlükəsizliyinin təmin edilməsi istiqamətində görülən işlər, bu sahədə tələbələr arasında maarifləndirmənin gücləndirilməsinin zəruriliyi barədə danışıb. Dövlət Yanğın Nəzarəti Xidmətinin Təbliğat şöbəsinin əməkdaşı Nizami Fərəcov, Gəncə Dövlət Yanğın Nəzarəti şöbəsinin rəisi, daxili xidmət polkovnik-leytenantı Nofəl Əhmədov və böyük inspektoru, daxili xidmət mayoru Ülfət Abbasov yanğın təhlükəsizliyi qaydaları barədə məruzə edib, tələbələri maraqlandıran sualları cavablandırıblar. Tədbirdə tələbələrə yanğın təhlükəsizliyinə dair filmlər də nümayiş etdirilib.
ƏLİHÜSEYN ŞÜKÜROV