6.000 bank işçisi işsiz qalacaq
24 Yanvar 2013 17:19 (UTC+04:00)
Movqe.Az bildirir ki, Almaniyanın
ikinci böyük bankı "Commerzbank" xərcləri aşağı çəkmək və fərdi
bankçılığı canlandırmaq məqsədi ilə 2016-cı ilə qədər işçilərinin
12 faizini işdən çıxarmağı planlaşdırır. Bank tərəfindən verilən
məlumata görə, tam ştatlı işləyən mövqelərdə 4000-6000-ə qədər
adamın işinə son veriləcəyi, bu rəqəmin fevral ayında icra ediləcək
danışıqlarda dəqiqləşəcəyi bildirilib. Qrup olaraq hələ də 56.000
adama məşğulluq təmin edən "Commerzbank"da tam ştatlı işçilərin
sayı 49,000-dir. Digər Avropa bankları kimi "Commerzbank" da aşağı
faiz dərəcələri, daha möhkəm bank qaydalarının tətbiqi artan
xərclər və avro bölgəsindəki böhranla bağlı olaraq riskdən qaçan
müştərilər səbəbiylə çətin bir dövr keçirir.