Aygün Kazımova canlı efirdə yıxıldı
25 Yanvar 2013 13:08 (UTC+04:00)
Xalq artisti Aygün Kazımova canlı efirdə yıxılıb. Milli.Az xəbər
verir ki, Xəzər TV-nin "Bizim Gün" səhər proqramının qonağı olan
müğənni səhnəyə cıxıb öz yeni mahnısını ifa etmək istərkən ayağı
sürüşərək yıxılıb. Buna səbəb isə studiyada yerə güllərin səpilməsi
olub.
Amma buna baxmayaraq, Kazımova yıxılarkən dərhal ona yardım ediblər
və o, ayağa qalxıb öz ifasını davam etdirib.
Xatırladaq ki, Aygün Kazımova təxminən iki il əvvəl də canlı
yayımda eyni vəziyyəti yaşamışdı. O, aparıcısı olduğu "Xeyir ola"
proqramında mahnı ifa edərkən ayağı sürüşərək yıxılmışdı.