İtaliyanın keçmiş baş naziri Silvio Berluskoni faşist diktator Benito Mussolinini təriflədiyinə görə tənqid atəşinə tutulub.
Bu fikirləri seçkiqabağı onun rəqiblərinin tənqid atəşinə
tutulmasına səbəb olub.
"İndi özümüzü o illərdə (1930-1940) qərar verən adamların yerində
təsəvvür etmək çətindir. Aydındır ki, o zamankı İtaliya hökuməti
Almaniyanın qalib gəlməyindən ehtiyat edərək, ona qarşı mübarizə
aparmaqdansa müttəfiq olmağı üstün tutub. Bu ittifaqla da
yəhudilərlə və onların məhv edilməsi ilə bağlı olan qanunlar
reallığa çevrildi. Baxmayaraq ki, bu Mussolinin ən böyük səhvi idi,
onun gördüyü yaxşı işlər də var idi", - deyə Berluskoni
bildirib.
"Mussolinin təriflənməsi İtaliyanın demokratiya anlayışına
təhqirdir", - deyə sol mərkəzçilərin liderlərindən biri olan Rozi
Bindi bildirib.