Əbədi həyatın sirri tapıldı
29 Yanvar 2013 12:27 (UTC+04:00)
Dünyanın ən məşhur alimlərindən biri, Google korporasiyasında
elmi-perspektiv araşdırmalar departamentinin rəhbəri, futurist Rey
Kurzvellin dediyinə görə, yaxın illərdə insanlara əbədi yaşamağa
imkan verən texnologiyalar əldə ediləcək. Bundan başqa, alim
hesab edir ki, çox yaxınlarda insanlar ölmüş qohumlarını belə
faktiki olaraq diriltmək imkanları əldə edəcəklər.
,KurzvellNew York Times-a verdiyi
müsahibəsində bildirib ki, 15 ildən sonra insanların ömrünə hər il
bir əlavə il qatmaq imkanları əldə ediləcək.
"Lakin gələcəkdə sizə zəng vuraraq "Bacardım, əbədiyyətə qədər
yaşadım" deyə bilməyəcəyəm. Çünki sonsuzluq, əbədiyyət yoxdur.
Gələcəkdə istehsal edəcəyimiz mikroskopik nanobotlar sayəsində
insan vücudu da daxil olmaqla, hər şeyə yeni forma, düzən vermək
mümkün olacaq. Mikroskopik nanobotlar 2050-ci ildə reallaşacaq.
Lakin 2030-cu ildən etibarən immun sistemimizi gücləndirmək və
xəstəliklərin yaranma səbəblərini məhv etmək üçün milyonlarla
nanorobotu vücudumuza yerləşdirə biləcəyik", - Kurzvell
söyləyib.
Onun sözlərinə görə, alimlər artıq indi siçanlarda 1-ci tip şəkərli
diabet xəstəliyini qan hüceyrəsi boyda nanoqurğu vasitəsilə müalicə
edə bilirlər.Alim daha sonra bildirib ki, bu, faktiki olaraq əbədi
həyatın sirrinin tapılmasıdır, çünki orqanizmdə sıradan çıxmış
hüceyrələri yeniləməklə xəstəlikləri müalicə etməklə yanaşı,
qocalma prosesini dayandırmaq və orqanizmi cavanlaşdırmaq
mümkündür.
Alimin dediyinə görə, ailə və nikah münasibətləri də dəyişəcək."Mən
artıq 37 ildir ki, evliyəm, nikahdayam. Arvadıma xəyanət etmək
niyyətində də deyiləm. Fəqət, insan ömrü dəfələrlə artandan sonra
bu problem yarana bilər və artıq indidən düşünməli, həll yollarını
aramalıyıq", - Google-un texniki direktoru deyib.
Kurzvell daha sonra bildirib ki, 22 yaşında olan musiqiçi, dirijor
atasını itirib və onu bir gün həyatda görmək istəyir: "2029-cu ildə
kompüterlər emosiyalara malik olacaq, eynən insanlar kimi düşünməyə
başlayacaq.
Kompüterlər yalnız işləmək, oyun oynamaq üçün vasitə olmayacaq.
Onların da öz irədələri, xasiyyətləri, düşüncələri olacaq. Üstəlik,
depressiyada olan insanı diriltməyin də mənası yoxdur, çünki o
insan üçün dünya dəyişib və tanıdığı insanlar da artıq həyatda
deyillər. Əminəm ki, 2045-ci ildə kompüterlərdəki hesablamalar
dünyadakı bütün insan beyinlərindən ən azı 1 milyard dəfə güclü
olacaq".
Alim daha sonra vurğulayıb ki, hazırda Massaçusets Texnologiya
Universitetinin alimləri ilə birgə layihədə çalışır. Həmin layihə
xərçəng xəstəliyinin tam müalicəsinə yönəlib.