10 cırtdan fil ölü tapılıb
29 Yanvar 2013 18:00 (UTC+04:00)
Movqe.Az bildirir ki, Malayziyada nəsli
tükənmə təhlükəsiylə qarşı-qarşıya olduğu üçün qoruma altına alınan
10 Borneo cırtdan filin ölü olduğu bildirilib. Rəsmilər Borneo
adasındakı "Gunung Rara" adlı meşədə olan fillərin zəhərləndiyindən
şübhələndiklərini açıqlayıblar. Fillərin yan-yana olduqları,
ölü anasını oyandırmağa çalışan 3 aylıq bala filin isə qurtarıldığı
qeyd edilib. Fillərin zəhərlənib zəhərlənmədiyinin təyin olunması
üçün yarılma ediləcəyini, yarılma nəticəsinə görə günahkarların
ədalət qarşısına çıxarılacağı bildirilib. Dünya Təbiəti Qoruma
Vəqfi (WWF), Borneo cırtdan fillərin ədədlərinin sürətlə azaldığını
və təbiətdə təxminən 1500 cırtdan fil qaldığını güman edir. Borneo
adasında yaşayan cırtdan fillər, böyük qulaqları, uzun quyruqları
və körpə üzləri ilə digərlərindən fərqlənir.