Türk seriallarında tarixi təhrif etmək mümkün olmayacaq
30 Yanvar 2013 11:29 (UTC+04:00)
Türkiyənin baş naziri Rəcəb Tayyib Ərdoğanın "Muhteşem Yüzyıl"
serialını tənqid etməsi və AKP millət vəkili Oqtay Saralın təklifi
ilə gündəmə gələn "Tarixi seriallarda senzura" məsələsini RTÜK
(Radio Televiziya Ali Şurası) müzakirə edəcək. Dəyişiklik
"Yayımların milli-mənəvi dəyərlərə zid olmaması barədə RTÜK
nizamnaməsi 8-ci maddəsi 1-ci hissəsinin f bəndinə əlavə olunacaq.
Bu dəyişikliyə görə, milli-mənəvi dəyərlərlə yanaşı ictimaiyyətin
milli dəyərləri daxilində qəbu edilən tarixi hadisələri və
şəxsiyyətləri aşağılayacaq, yanıldacaq, olduğundan fərqli
göstərəcək yayımları nümayiş etdirmək olmaz.
Qeyd edək ki, qəbul ediləcək bu qaydaları pozacaq kanalların
xəbərdarlıq olunmadan cərimə edilməsi nəzərdə tutulur. Dəyişiklik
bu gün RTÜK-də keçiriləcək iclasda müzakirə olunacaq və qəbul
edilməsi üçün Türkiyə Böyük Millət Məclisinə göndəriləcək.