Səudi Ərəbistandan yeni qərar
30 Yanvar 2013 18:00 (UTC+04:00)
Movqe.Az bildirir ki, Səudi Ərəbistan
hökuməti, həm qadın həm kişi işçilərin işlədiyi mağazalarda heyəti
bir-birindən ayırmaq üçün divar inşa etməyə başlayıb. "Arabiya"nın
xəbərinə görə, mağazalarda işçilər ən az 1.6 metr olacaq bir
divarla bir-birindən ayrılacaq. Əmək naziri Adil Fakih bu məqsədlə
ölkə daxilində mağazalara bir ay müddət verdiyini açıqlayıb. Səudi
Ərəbistanda qadınlar daha çox alt paltar və kosmetika kimi tamamilə
qadınlara aid mağazalarda və ya fabriklərdə işləyirlər. Ərəsbistan
hökuməti 2011-ci ildə aldığı bir qərarla alt paltar və kosmetika
istehsal edən və ya satan mərkəzlərdə kişi işçi işləməsini qadağan
edib. Ölkədə bu il alınan başqa bir qərarla şəriət qanunları ilə
bağlı Məsləhət Şurasına qadın üzvlərin qəbul edilməsinə icazə
verilib. Ancaq qadınlar şura yığıncaqlarına kişilərdən fərqli bir
qapıdan girə bilir.