Mehriban Xanlarova canlı efirdə dələduzluqda ittiham olundu

1 Fevral 2013 12:35 (UTC+04:00)

Tanınmış aktrisa, əməkdar artist Mehriban Xanlarovaya dünən canlı efirdə şok yaşayıb. Aktrisaya bu şoku ATV-nin "Ümid var" verilişinin aparıcısı Zaur Baxşəliyev yaşadıb. Aparıcı öz mobil telefonuna gələn mesajları canlı yayımda səsləndirərkən Mehriban Xanlarova çətin vəziyyətə düşüb. Hansıki bu mesajlarda aktrisa dələduzluqda ittiham edilirdi və onun verilişdə ekspert kürsüsündə otumağa haqqı olmadığı yazılırdı.
Boğazı quruyan aktrisa əvvəlcə ittihamlara cavab verməyə çətinlik çəksə də, sonradan mesajın sahibi olan Günay adlı xanım haqqında bəzi açıqlamalar verdi. M.Xanlarova bu xanımın onun keçmiş sevgilisi ilə əlbir olduğunu bildirdi.
Aparıcının sözlərinə görə, vəziyyət o həddə çatıb ki, məsələ hüquqi müstəvidə həll olunacaq.