Tanınmış aktrisanı otelə qəbul etmədilər

1 Fevral 2013 14:41 (UTC+04:00)

Movqe.Az bildirir ki, Los Ancelesdəki bir məhkəmədə görüləcək iclası üçün şəhərə gələn müğənni-aktrisa Lindsey Lohan qalmaq üçün otel tapa bilməyib. Məşhur aktrisa, anası Dina Lohan ilə birlikdə Los Ancelesə gəldikdən sonra ilk işləri özlərinə qalacaq bir yer tapmağa başlamaq olub. Əvvəl şəhərin ən gözəl otellərindən birinə gələn ana və qızın otaq tələbləri rədd edilib. ABŞ qəzetlərindən "TMZ"-nin saytında yerləşən xəbərə görə, Lohanın anası otelə qeydiyyat üçün getdiyi zaman mənfi cavab alıb. Səbəb isə qızı Lindseyin adının otelin qara siyahısında olması olub. Lindsey Lohan, 2007-ci ildə oteldən kirayəyə götürdüyü otağı çox pis bir vəziyyətdə qoyub getmişdi. Amma otel rəsmiləri mətbuata, yer olmadığı səbəbiylə ana və qızı otelə almadıqlarını açıqlayıblar.