Başsız pinqvinlər
1 Fevral 2013 18:30 (UTC+04:00)
Movqe.Az bildirir ki, İngilis fotoqraf Paul
Qoldstein, Atlantik okeanındakı "South Georgia" adasında tamamilə
başsız kimi görünən 2 pinqvinin şəkilini çəkib. Qoldstein, bu
gülməli görünüşü çəkərkən gülməmək üçün özünü güclə saxladığını
söyləyib. Pinqvinlərin başlarını tam geriyə atdıqları anı tutan
Qoldstein, bununla, asanlıqla əldə edilə bilməyəcək bir fotoşəkilə
imza atıb. Fotoqraf, "Əvvəl yüzlərlə pinqvin arasında qrupdan
ayrılmış 2 pinqvin tapdığım üçün sevinirdim. Şəkillərini çəkmək
üçün hazırlaşanda biri başını tamamilə geriyə atdı. Şəkilini
çəkərkən digər pinqvin də başını geriyə atanda ortaya bu bənzərsiz
şəkil çıxdı." deyə danışıb.