Dünyanı daha bir təhlükə gözləyir?

3 Fevral 2013 16:35 (UTC+04:00)

Movqe.az xəbər verir ki, ABŞ Milli Aviasiya və Kosmos Dairəsi (NASA) 15 fevralda bir asteroidin Yerin çox yaxınından keçəcəyini açıqlayıb. NASA-nın YerəYaxın Kosmos Cisimləri Programından Don Yeomans yarım futbol sahəsi böyüklüyündəki "2012-DA14" asteroidin indiyə qədər Dünyanın ən yaxınından keçən asteroid olacağını söyləyib. Asteroidin Yerə dəyməyəcəyini vurğulayan Yeomans, "Dünyanın təxminən 28 min kilometr uzağından keçəcək asteroid, Yerə insan istehsalı peyklərindən belə daha yaxın olacaq. Asteroid Beynəlxalq Kosmos Stansiyası və müşahidə peykləri ilə Yerin arasından keçib yoluna davam edəcək "deyib. Təxminən 50 metr genişliyindəki asteroidin keçişini Mojave çölündəki Goldstone radarı ilə izləyəcək NASA, ölçüləri, çevrilmə sürəti və əks etdirmə kimi xüsusiyyətlərini təyin etdikdən sonra "DA14"ün üç ölçülü radar xəritəsini çıxaracaq.
Səma cismi, saatda 29 min kilometr sürətlə hərəkət etdiyi üçün həvəskarlar tərəfindən müşahidə edilməsi mümkün olmayacaq. Yalnız təcrübəli və şanslı müşahidəçilər, "DA14"ü bir anlığına görə biləcək.