Əlaqə Arxiv
news Image
2019.12.04
11:43
| A A A
Yevda Abramovun səhhəti ilə bağlı qızından AÇIQLAMA

Yevda Abramov hələ də reanimasiyadadır. Həkimlərin sözlərinə görə, vəziyyəti stabilləşib.

Bu sözləri Axar.az-a açıqlamasında ötən gündən vəziyyəti ağırlaşan millət vəkili Yevda Abramovun qızı Bəsti Yusifova deyib. O, atasının ölümü ilə bağlı ötən gün yayılan məlumatlara reaksiya verib:

“Atamın ölümü haqda kim məlumat yayıb, bilmirik, ancaq hamı başa düşməlidir ki, belə xəbərlər bu ağır günlərimizdə bizi üzür. Atamın müalicəsi hazırda Mərkəzi Klinik Xəstəxanada davam edir. Həkimlər də deyir ki, ümid hər zaman var və biz də ümidimizi üzmürük. Hamıdan xahiş edirik ki, belə məqamda həssas olsunlar”.

B.Yusifova qeyd edib ki, atasının müalicəsi üçün İsraildəki hansısa xəstəxanaya aparılması barədə bir fikirləri yoxdur.

Xatırladaq ki, millət vəkili Y.Abramov 12 iyun 1948-ci ildə Qubanın məşhur Qırmızı qəsəbəsində doğulub. Tarixçidir, bir müddət pedoqoji fəaliyyətlə məşğul olub.

Azərbaycanlı deputat reanimasiyaya yerləşdirildi - VƏZİYYƏTİ AĞIRDIR

Azərbaycan (həmçinin türk), rus və fars dillərini mükəmməl bilir. 4 övlad atasıdır.

2017-ci ilin dekabrında onkoloji xəstəliyi ilə əlaqədar Milli Onkologiya Mərkəzinə yerləşdirilərək, cərrahi əməliyyat olunub. Daha sonra müalicəsini İsraildə davam etdirib. Heydər Əliyev Fondu deputat Yevda Abramovun müalicə xərclərini öz üzərinə götürüb.

Sizin Reklam Yeriniz