1950-ci ildə köhnə dəblə geyinmiş bir şəxs anidən Tayms meydanında ortaya çıxır. Hadisə şahidləri adamın qorxduğunu söyləyirlər.

Movqe.az  axar.az-a istinadən bildirir ki, bu haqda Yutub sosial şəbəkəsində "1876-cı ildən gələn adam" video-materialda məlumat verilir. Süjetdə deyilir ki, meydanda görünəndən 1 dəqiqə sonra həmin şəxsi maşın vuraraq öldürür.

Ölən şəxsin üzərindən Rudolf Fenz adlı adama aid bir iş vəsiqəsi, müasir dövrə aid olmayan bir bara məxsus 5 sent dəyərində pivə jetonu və 70 dollarlıq qədim əskinas və 1876-cı ildə Filadelfiyadan göndərilmiş bir məktub tapılır.

Bir çoxları Rudolf Fenz adlı həmin adamın keçmişdən gəldiyini iddia edirlər. Araşdırmalara başlanılır. Onun sənədlərində adıçəkilən obyektlərə baş çəkilir. 

Nəhayət, həmin şəxsin dul qalmış gəlini tapılır. Məlum olur ki, həmin qəribə adam 1876-cı ildə, 29 yaşındaykən evdən çıxıb və bir daha geri qayıtmayıb.

Bundan sonra insanlarda zamanda yolçuluq anlayışı formalaşmağa başlayır.