news Image
2012.09.07
16:45
| A A A
“Eks-prezidentlərlə bağlı qanunun Əbülfəz Elçibəyin ailəsinə tətbiqi istiqamətində yaxın günlərdə lazımi addımlar atılacaq”
"Milli Məclis tərəfindən qəbul olunmuş və Azərbaycan prezidenti tərəfindən təsdiqlənmiş "Azərbaycan Respublikasının eks-prezidentləri və onların ailə üzvlərinin təminatı haqqında" qanun ölkənin bütün eks-prezidentlərinə və onların ailə üzvlərinə tətbiq olunur.
Bu qanun həm Ayaz Mütəllibova, həm də Əbülfəz Elçibəyə, onun ailə üzvlərinə şamil edilir. Mətbuatda bunun əksi ilə bağlı səslənən bəzi fikirlərin həqiqətə uyğunluğu yoxdur". 
Bunu Prezident Administrasiyasının ictimai-siyasi məsələlər şöbəsinin müdiri Əli HəsənovAPA-nın sualını cavablandırarkən deyib. 
O bildirib ki, Azərbaycan prezidenti İlham Əliyev "Azərbaycan Respublikasının eks-prezidentləri və onların ailə üzvlərinin təminatı haqqında" qanunun müddəalarının tətbiqi ilə bağlı Maliyyə Nazirliyinə müvafiq tapşırıqlar verib: "Bu günlərdə Maliyyə Nazirliyi həmin qanunun mərhum Əbülfəz Elçibəyin xanımına, həm də Ayaz Mütəllibova, onun ailəsinə tətbiqi ilə bağlı lazımi addımlar atacaq. Qanunda nəzərdə tutulan həm maddi, həm də digər bütün müddəalar hər iki prezidentin ailəsinə şamil olunacaq".

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs