Almaniya Minsk qrupunun insidentlərin araşdırılması üzrə səylərini dəstəkləyir
ATƏT-ə sədrlik edən Almaniya təşkilatın Minsk qrupunun Ermənistan-Azərbaycan, Dağlıq Qarabağ münaqişəsi zonasında insidentlərin araşdırılması mexanizminin yaradılması üzrə səylərini dəstəkləyir.
Bunu Almaniyanın ATƏT-dəki nümayəndəliyinin ofisinin mətbuat xidmətindən deyiblər.
Mətbuat xidmətindən bildiriblər ki, Almaniyanın ATƏT-dəki sədrliyi Minsk qrupunun həmsədrlərinin işini, eləcə də ATƏT-in fəaliyyətdə olan sədrinin şəxsi nümayəndəsi Anjey Kaspişikin komandasının genişləndirilməsi üzrə işi tam dəstəkləyir./trend/