news Image
2012.09.04
16:46
| A A A
Region gəncləri üçün İdeya Akademiyası qurulur

Movqe.Az xəbər verir ki, bu gün Gənclər üçün Təhsil Mərkəzi Azərbaycan Gənclər Fondunun dəstəyi ilə "Region gənclərinin İdeya Akademiyası" layihəsinin icrasına start verib.

Layihə Azərbaycanın ucqar regionlarından olan gənclərin təşəbbüskarlığının artırılmasını, onlar tərəfindən verilmiş ideyaların layihə və proqramlar şəklində reallaşdırılmasına dəstək verilməsini nəzərdə tutur.

Ağcabədi, Füzuli və Beyləqan rayonlarında icra olunacaq layihə çərçivəsində təlim proqramlarının, ideya yarmarkalarının, praktiki fəaliyyətlərin və digər tədbirlərin keçirilməsi planlaşdırılır. Eyni zamanda region gənclərinin mütəmadi olaraq akiv gənc liderlərlə, gənc deputatlarla, media rəhbərləri və digər tanınmış ictimai xadimlərlə bu layihə müddətində görüşmək imkanı da olacaq. Bu görüşlərdə qonaqların həmin gənclərə verdiyi tövsiyə və fikirlər onlarda yeni ideyaların formalaşmasına təkan verəcək.

Mərkəzdən verilən məlumata görə bu layihə çərçivəsində meydana çıxan ən maraqlı ideya və təkliflər Azərbaycan Gənclər Fondu ilə yanaşı, digər maraqlı qurumlara da təqdim olunacaq.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs