news Image
2012.04.19
22:04
| A A A
Azərbaycan paytaxtında müşahidə olunan dumanın səbəbləri açıqlanıb
Bu gün Bakı və Abşeron yarımadasında müşahidə edilən duman cənub küləyinin günorta saatlarında güclənməsi və dənizdən rütubətli havanın daxil olması ilə əlaqədardır.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, duman sabah günorta saatlarında çəkiləcək: "Sabah Bakı və Abşeron yarımadasında şimal-qərb küləyinin güclənəcəyi gözlənilir. Bununla əlaqədar müşahidə edilən duman sabah çəkiləcək".

Qeyd edək ki, sinoptiklər yaxın 3 gün ərzində Bakı və Abşeron yarımadasında dəyişkən buludlu, əsasən yağmursuz hava şəraiti vəd edirlər. Hava proqnozuna əsasən, aprelin 20-də şimal-qərb küləyinin gündüz saatlarında arabir güclənəcəyi gözlənilir. Ayın 20-21-də havanın temperaturu 20-25 dərəcə isti təşkil edəcək.

Nuranə Novruzova

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs