news Image
2016.05.04
11:45
| A A A
Əmək müqaviləsi bildirişləri üzrə elektron informasiya sistemindən istifadə sayı açıqlanıb

 Əmək və Əhalinin Sosial Müdafiəsi Nazirliyinin əmək müqaviləsi bildirişləri üzrə elektron informasiya sistemi işəgötürənlər və işçilər arasında əmək münasibətlərinin hüquqi əsaslarını özündə əhatə edir. Sosial-iqtisadi münasibətlər sisteminin vacib elementi kimi formalaşmış bu sistemdən istifadə statistikası cari ilin aprel ayında əvvəlki mart ayı ilə müqayisədə 15% artaraq 198 392-yə çatıb.

 

Nazirliyin ictimaiyyətlə əlaqələr şöbəsindən Movqe.az-a verilən məlumata görə, onlardan 185 min 6-sını "Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi" e-xidmətinə müraciətlər təşkil edib.

 

Bağlanan hər bir əmək müqaviləsi, müqaviləyə dəyişiklik edilməsi, yaxud xitam verilməsi müvafiq bildiriş formasında "Elektron hökumət" portalındakı (www.e-gov.az) bu e-xidmət vasitəsilə elektron qeydiyyatdan keçirilərək rəsmiləşdirilir. Sistemdən istifadə hallarının 13386-sı isə "Əmək müqaviləsi bildirişləri barədə məlumatların işçilər tərəfindən əldə edilməsi" e-xidmətinə yönəlib. Hər bir işçi "E-Hökumət" portalına daxil olaraq, həmin e-xidməti seçməklə onunla bağlanmış əmək müqaviləsi bildirişi barədə real vaxt rejimində məlumat əldə etmək imkanına malikdir

 

2014-cü ilin iyulun 1-dən tətbiq olunan əmək müqaviləsi bildirişləri üzrə elektron informasiya sistemindən cari ilin 1 may tarixinədək 5 232 218 dəfə istifadə edilib.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs