news Image
2016.06.06
16:17
| A A A
Qulu Məhərrəmli vəzifədən kənarlaşdırıldı

AMEA Nəsimi adına Dilçilik İnstitutunun Monitorinq şöbəsinin müdiri, filologiya üzrə elmlər doktoru, professor Qulu Məhərrəmli vəzifəsindən azad edilib.


Movqe.az bildirir ki, Dilçilik İnstitutunun mətbuat xidmətindən APA-ya verilən məlumata görə, bu gün Elmi Şuranın növbədənkənar iclası keçirilib.

 

İclasda Q. Məhərrəmlinin istefa ərizəsinə baxılıb və ərizə qəbul olunub.

 

Qeyd edək ki, Q. Məhərrəmli Monitorinq şöbəsinə 2014-cü ildən rəhbərlik edib. O, şöbə müdiri olarkən Dilçilik İnstitutunun "qaynar xətt"i fəaliyyətə başlayıb. Q. Məhərrəmlinin rəhbərliyi altında reklamlarda, ictimai iaşə obyektlərində, yazılı və elektron kütləvi informasiya vasitələrində Azərbaycan dilinin fonetik və qrammatik normalarına riayət olunmasının təmin edilməsi, Azərbaycan dilinin normalarına əməl edilməsi səviyyəsini müəyyənləşdirmək məqsədilə monitorinqlər keçirilib.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs