Bakıya güclü qar yağır
Bu gecə Bakıya güclü qar yağıb. Movqe.az xəbər verir ki, bütün şəhər qarla örtülüb. Hazırda paytaxtın bəzi yolları sürüşkəndir. Ekologiya və Təbii Sərvətlər Nazirliyinin Milli Hidrometeorologiya Departamenti gecə 0-2 dərəcə şaxta, gündüz 1-3 dərəcə isti olacağını bildirb. Gecə və səhər yolların buz bağlama ehtimalı var. Departament bu günün sonuna kimi Bakı və Abşeron yarımadasında hava şəraitinin qeyri-sabit keçəcəyini, qar yağacağını proqnozlaşdırıb.