news Image
2012.06.04
11:46
| A A A
Şıxəli Qurbanovun oğlu XİN-in Kollegiya üzvlüyündən çıxarıldı

Movqe.Az xəbər verir ki, İlqar Qurbanov Azərbaycan Xarici İşlər Nazirliyinin (XİN) Kollegiya üzvlüyündən çıxarılıb. Bununla bağlı baş nazir Artur Rasizadə qərar imzalayıb. İlqar Qurbanov baş nazirin qərarına qədər XİN-in Kollegiyasında xüsusi tapşırıqlar üzrə səfir idi.

Hazırda XİN-in Kollegiyasının üzvü kimi xüsusi tapşırıqlar üzrə səfir olaraq yalnız bir nəfər – Fuad İsgəndərov çalışır.

Qeyd edək ki, İlqar Qurbunov filoloq-alim, şair, yazıçı, dramaturq, ədəbiyyatçı, dövlət və ictimai xadim, 24 may 1967-ci il tarixində sui-qəsd nəticəsində öldürülmüş Şıxəli Qurbanovun oğludur. Şıxəli Qurbanov uzunmüddətli fasilədən sonra 1967-ci ildə (ölümündən bir neçə gün əvvəl) Azərbaycanda ilk dəfə dövlət səviyyəsində Novruz Bayramının keçirilməsinə müvəffəq olmuşdu.

XİN-in Kollegiyasının sədri xarici işlər naziri Elmar Məmmədyarovdur. Kollegiyanın digər üzvləri bu şəxslərdir:

Əzimov Araz Böyükağa oğlu — nazir müavini

Xələfov Xələf Alı oğlu — nazir müavini

Məmmədquliyev Mahmud Əhməd oğlu — nazir müavini

Hüseynov Nadir Sabir oğlu — nazir müavini

Paşayev Hafiz Mir-Cəlal oğlu — nazir müavini, Xarici İşlər Nazirliyinin Diplomatik Akademiyasının rektoru

İsgəndərov Fuad Eldar oğlu — xüsusi tapşırıqlar üzrə səfir.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs