news Image
2014.01.22
15:53
| A A A
Azərbaycanda mövcud olan bütün bitkilər genetik pasportlaşdırılır

Azərbaycanda mövcud olan bütün bitkilərin genetik pasportları hazırlanıb. Azərbaycan Milli Elmlər Akademiyasının (AMEA) Genetik Ehtiyatlar İnstitutunun direktor müavini Mehrac Abbasov APA-ya açıqlamasında bildirib ki, hazırda bitkilərin gen bankında 10 minə yaxın bitki nümunəsi haqqında məlumat yerləşdirilib. Onun sözlərinə görə, buradakı bitkilərin genetik pasportlaşdırılması hissə-hissə həyata keçirilir.

 

M. Abbasov qeyd edib ki, 2013-cü ildə şəkər çuğunduru, buğda və noxudun hər biri üzrə 50-60 nümunənin pasportlaşdırılması başa çatıb: "2014-cü ildə bu say bir qədər artırılacaq. Belə ki, buğda, arpa, noxud, lobya, çovdar bitkiləri üzrə gen bankında olan nümunələrin pasportlaşdırılması həyata keçiriləcək. Bu məsələ plana salınıb və ayrı-ayrı adamlar tərəfindən işlərin mərhələli şəkildə həyata keçirilməsi üçün göstəriş verilib. Hər bir mərhələdə təxminən 40-50 nümunənin pasportlaşması aparılacaq".

 

M. Abbasov deyib ki, bitkilərin genetik pasportlaşdırılması onların Azərbaycana məxsus olduğunu tam sübut edəcək və milli bitkilərin oğurlanması hallarının qarşısını alacaq. 


Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs