news Image
2014.09.26
17:55
| A A A
İsrail gənclərə məscidi qadağan etdi
Yaşı 50-dən az olanlara cümə namazı qılmağa icazə verilmir

İsrailin hüquq-mühafizə orqanları Əl-Əqsa məscidi ilə bağlı müsəlmanların etirazına səbəb olacaq qərar verib.

İsrail hüquq-mühafizə orqanlarının verdiyi açıqlamada Qüds şəhərində yerləşən Əl-Əqsa məscidində yaşı 50-dən aşağı olan müsəlmanların cümə namazı qılmasına qadağa qoyulduğu bildirilir. 


Səbəb kimi isə yaşı az olan müsəlmanların təhlükəsizlik üçün problem yaratdığı göstərilir. Bu barədə Əl-Əqsa məscidinin müdiri Nacih Bəkirat da faktı təsdiqləyib. Onun sözlərinə görə, İsrail polisi tərəfindən Əl-Əqsa məscidi ətrafında təhlükəsizlik baryeri qurulub və gənclərin məscidə girməsinə icazə verilmir. 


Qeyd edək ki, İsrail polisi üç gündür davam edən "Roş a-Şana" bayramı ilə əlaqədar müsəlmanların Əl-Əqsa məscidinə girməsinə yaş həddi qoyub.

(Anspress)