Movqe.Az xəbər verir ki, Rusiya fövqəladə hallar naziri Vladimir Puçkov, 21 dekabrda qiyamətin qopacağı ilə əlaqədar iddiaların yalan olduğunu bildirib. Təbiətdə insanlar üçün bir çox təhlükələrin olduğunu, ancaq bunların qlobal bir problem yaratmayacağını deyən Puçkov, Rusiyanın dünyadakı təbiət hadisələrini izləmək üçün bütün vasitələrə sahib olduğunu söyləyib.
Əllərindəki məlumatlar, universal fəlakətlərin 10-15 milyon ildən bir olduğunu göstərdiyini deyən Puçkov, " Dünyada ən son belə təbii fəlakətləri bir neçə əsr əvvəl olub. Yaxın zamanlarda təbiət nizamında dəyişikliklər gözlənilə bilər, amma bunları qəti qlobal bir problemə çevirmək olmaz."deyə çıxış edib.
Buzlaşma, su basqınları kimi təbii fəlakətləri Rusiyanın 24 saat izlədiyini açıqlayan Rusiya fövqəladə hallar naziri, "Şübhəsiz ki, bunlar gələcəkdə olacaq şeylərdir və bunlara hazır olmalıyıq"deyib. Rus nazir xalqın təbiət hadisələri ilə əlaqədar təklif, istək və ya şikayətlərini 7 gün 24 saat ərzində nazirliyə bildirmək imkanlarının olacağını da qeyd edib.