Movqe.Az xəbər verir ki, məktəb hücumunun yaşandığı Konnektikut əyalətinin Nyutaun qəsəbəsində təşkil edilən anım mərasiminə qatılan Obamanın burada edəcəyi çıxış öncəsi "Quran Kərim" də oxunub.
20 yaşlı Adam Lanza "Sandy Hook" məktəbinə təşkil etdiyi silahlı hücumda 20-si 6-7 yaşlarında, 12-si qız, 8-i oğlan uşağı və qalan 8-i yetkin olan insan qətlə yetirilib. Lanza məktəb basqınını etməzdən əvvəl də birlikdə yaşadığı anasını öldürüb. Təcavüzkar Amerika tarixinin ikinci ən qanlı məktəb basqınından sonra intihar edib.
Anım mərasimində göz yaşlarını saxlaya bilməyən Obama həlak olanların qohumlarına təsəlli verməyə çalışıb: '' Bilirəm, heç bir söz çəkdiyiniz ağrını təsvir etməyə çatmaz ya da heç biri yaranızı sağalda bilməz. Ancaq bunu bilmənizi istəyirəm ki, tək deyilsiniz, hamımız bu ağrılı gününüzdə yanınızdayıq. Valideynlər olaraq bizlərin əsas vəzifəsi yaxşı bir ana və ata olmaqdır. Bu işimizi doğru edə bilmiriksə heç bir işimizi doğru edə bilmərik."

Obamanın çıxışında əvvəl "Quran" oxundu
Qırğında həyatını itirənlər üçün təşkil edilən anım mərasiminə üç səmavi dinin nümayəndələri də qatılıb. Obamanın çıxışından əvvəl Nyutaunda olan "Al Hedaya İslam Mərkəzi" adından kürsüyə çıxan kiçik uşağın oxuduğu "Quran"dan sonra Yason Qreyvz də onun ingilis dilindəki tərcüməsini oxuyub. Qreyvz Nyutaundakılarla yanaşı bütün müsəlmanların yaşanan ağrını dərindən paylaşdığını söyləyib. Qırğında ölənlərə və yaxınlarına dua etdiklərini deyən Qreyvz,'' Allahdan ölənlər üçün cənnət, geridə qalan ailələri üçün də səbr diləyirik'' açıqlamasını verib: ''Bu dözülməz ağrı qarşısında  yaradana sığınaraq təsəlli tapırıq. Bu inancla ana, ata, qardaş, bacı, oğul və qız uşaqları ilə bütöv xalq olaraq yaradana sığınır, şəfası üçün ümidimizi əsirgəmirik."