Sinoptiklərdən xəbərdarlıq: Abşeron yarımadasının bəzi yerlərində şimal-qərb küləyi arabir saniyədə 30 metrə qədər güclənəcək
Sinoptiklər ölkə ərazisində gözlənilən küləkli hava şəraiti ilə əlaqədar xəbərdarlıq ediblər.
Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, aprelin 6-sı günün birinci yarısında Bakıda və Abşeron yarımadasında şimal-qərb küləyinin əsəcəyi, sürətinin 15-20 metr/saniyə olacağı, arabir saniyədə 23-28, yarımadanın bəzi yerlərində isə arabir 30 metrədək güclənəcəyi gözlənilir.
Aprelin 6-da Azərbaycanın rayonlarında qərb küləyinin əsəcəyi, arabir 15-20, ayrı-ayrı yerlərdə 25-30 metr/saniyəyədək güclənəcəyi gözlənilir.