Medvedev məhəbbət məsləhətləri verib

Rusiya Baş naziri Dmitri Medvedev 14 fevral Sevgililər Günü münasibətilə bir araya gəldiyi universitet şagirdlərinə məhəbbət məsləhətləri verib.Movqe.az bildirir ki, Krasnoyarsk şəhərində Sibir Federal Universitet şagirdlərilə görüşən Medvedev ona verilən sevgi suallarını cavablandırıb. Bir şagirdin, "Sevdiyim qızı, özümə necə aşiq edə bilərəm?" sualına Medvedev, "Təbii ki hər insan kimi mən də çox şey yaşadım. Universitetdə oxuduğumuz illərdə və hələ gənckən bəlkə öz duyğularımızı fərqli qiymətləndirə bilirik. Xüsusilə tələbəlik dövrü ən gözəl dövrdür. Məncə, sizin bu dövrünüzdə təkidli olmanız lazımdır. Öz təcrübəmdən bilirəm. Əgər bu işdə təkidli davransan, bu vəziyyətdə hər zaman müvəffəqiyyətə çatarsan. Təbii ki həqiqətən də sevir və onunla birlikdə olmaq istəyirsənsə. Məhəbbət hər zaman qazanar! " deyib. Rusiya baş naziri universitet tələbələri ilə görüşməzdən əvvəl də saatını hədiyyə etmək məcburiyyətində qalıb. Universitetin idman təsislərini ziyarət edərkən, bir idmançı Medvedevin qol saatını hədiyyə etməsini xahiş edib. İdmançının xətrinə dəymək istəməyən Medvedev saatını qolundan çıxararaq hədiyyə edib. "Yaxşı ki, bahalı saat deyil" deyə zarafat edib.