Mövqe.az-ın RİA Novosti-yə istinadən verdiyi məlumata görə, İsveçrənin Ali Texniki Məktəbinin alimləri bildiriblər ki, hal-hazırda sidik və qan analizi kimi, insanın verdiyi nəfəsin tərkibi ilə də  xəstəliyi müəyyən etmək gələcəkdə mümkün ola biləcək.

Belə bir qərara gəlməzdən əvvəl tədqiqatçılar 11 insanın verdiyi nəfəsin kimyəvi tərkibini öyrəniblər. Nümunələri  könüllülərdən 11 gün ərzində sutkanın müxtəlif vaxtlarında toplayıblar. 

Onları müayinə etdikdən sonra alimlər bütün iştirakçılarda əhəmiyyətli dərəcədə fərqlər müəyyən ediblər. 

Tədqiqatçılar həmçinin, aşkar ediblər ki, hər bir insanın barmaq izləri fərqli olduğu kimi, verdikləri nəfəsin tərkibi də müxtəlifdir. Bununla belə, alimlər etiraf edirlər ki, bu unikal xüsusiyyətin yaranmasına təsir edən amillər, hələ də, məlum deyil. 

Tədqiqatın müəlliflərinin fikirlərinə görə, gələcəkdə verilən nəfəsin analizi klinik məlumatın çox qiymətli mənbəsi ola bilər. Onun özəlliyi ondadır ki, qan və sidik analizi üçün xeyli vaxt və xüsusi şərait tələb olunduğu halda,    belə müayinə üsulu üçün isə,  yalnız bir neçə dəqiqə kifayətdir. Bundan başqa, alimlər bidirirlər ki, diaqnostikanın bu metodu insanlara heç bir narahatlıq yaratmır.