Movqe.az xəbər verir ki, sosial medianın gücü yenidən sübut edilib. Doğulduqları gün ayrılan Cənubi Koreyalı əkiz bacılar illər sonra bir-birlərinə sosial media vasitəsilə qovuşub. Hər şey yoldaşlarının Fransada moda tələbəsi olan Anais Bordierə "Youtube"da bir video yollamasıyla başlayıb. Yoldaşları Bordierə videodaki ABŞ-lı aktrisa Samanta Futermanın ona əkizi qədər bənzədiyi mövzusunda israr edib. Bordier, Futerman haqqında daha dərin bir araşdırma edərək ikisinin də 19 noyabr 1987-ci ildə doğulduğunu öyrənib. Futurmanın "Facebook"dakı məlumatlarına baxan Bordier, ikisinin də Cənubi Koreyanın eyni şəhərində doğulduğunu görüb. Bunun ardınca Bordierin Fransız bir ailə tərəfindən, Futermanın isə ABŞ-lı bir ailə tərəfindən doğulduqları gün övladlığa götürüldüyü ortaya çıxıb. Bir-birlərinin uşaqlıq fotoşəkillərini paylaşan əkizlər inanılmaz bənzərlik qarşısında şok olub. Onlar ilk görüşlərini isə Skype vasitəsilə ediblər. Futureman vəziyyəti "Onun fotoşəkillərinə baxdığım zaman sanki güzgüyə baxdığımı  hiss etdim "deyə izah edib.