Movqe.az xəbər verir ki, sosial mediada bunu demək olar ki, hamımız edirik. Ağılımıza bir şey gəlir və onu paylaşmaq üçün yazmağa başlayırıq. Bu vaxt mövzu haqqında bir az daha ətraflı düşünüb son dəqiqədə paylaşmaqdan imtina edirik. Karneqi Mellon Universitetinin "Facebook" ilə birlikdə etdiyi bir işə qatılan 3.9 milyon istifadəçinin 71 faizinin paylaşımlarından son dəqiqədə imtina etdiyi meydana çıxıb. İşi reallaşdıran doktorantura tələbəsi Sauvik Das və Facebook məlumat alimi Adam Kramerə görə insanların öz özlərinə tətbiq etdikləri senzura gözlənildiyindən daha çoxdur. Nəticələrə görə iştirakçıların 51 faizi ən az bir paylaşımdan, 44 faizi isə yoldaşlarından birinin paylaşımına yazılmaq üçün hazırlanan şərhdən son dəqiqədə imtina edir. 17 gün davam edən işə qatılan bir qrup şəxs isə özünə bir çox dəfə senzura tətbiq edib.