Dünyanın ən böyük iqtisadiyyatı olan ölkələri arasında iştirak edən Braziliya, təhsil sahəsində də inkişaf etmək üçün müxtəlif dövlət proqramları hazırlayır. Movqe.Az-ın məlumatına görə, "Limitsiz Elm" adlı layihə ilə dövlət 100 min universitet şagirdini xaricə göndərərkən, bir başqa proqramla xarici tələbələri Braziliyaya oxumağa dəvət edir. "Tələbə Dili Proqramı" adı verilən layihə (PEC-G), Braziliyanın təhsil sahəsində razılaşma apardığı inkişaf etməkdə olan ölkələrdə yaşayan tələbələr üçün ölkədə pulsuz bakalavr təhsili alma fürsəti təqdim edir. Braziliya Xarici İşlər və Təhsil Nazirlikləri tərəfindən dəstəklənən proqramda, lisey təhsilini tamamlayan 18-25 yaş arası əcnəbi şagirdlər, Braziliyanın dövlət, federal, əyalət və xüsusi universitetlərində bakalavr təhsili alma imkanını əldə edə biləcəklər. Proqram çərçivəsində seçiləcək tələbələr, Braziliya ilə sosial iqtisadi müqavilələri olan ölkələrdən olmasına diqqət ediləcək. Proqrama müraciət etmək istəyənlərdən aşağıdakılar tələb olunacaq:

1 - Təhsil xaricindəki xərclər üçün zaminə sahibi olmaq

2 - Kollec və ya bu kimi təhsil ocaqlarının diplom və ya sertifikatına sahib olmaq.

3 - Portuqal dili təhsili almış olmaq.