"Google", 60 ildən çox bir kariyeraya sahib olan caz sənətçisi Ella Fitzceraldın 96-cı doğum gününü qeyd edib. Movqe.Az-ın məlumatına görə, Kariyerası ərzində 200-dən çox albom çıxaran və 13 "Grammy" mükafatı qazanan Fitzcerald, 1996-cı ildə vəfat edib. "Google", XX əsrin ən böyük caz sənətçilərindən biri olan Ella Fitzceraldı doğum günündə "doodle" (Google loqosu) ilə anıb. "Cazın kraliçası" olaraq adlandırılan Ella Fitzcerald, həyatda olsaydı bu gün 96 yaşını qeyd edəcəkdi. 25 aprel 1917-ci il tarixində dünyaya gələn Ella Fitzcerald, 60 ilə yaxın kariyerasında ən çox "Songbook" albom ardıcıllığıyla tanınıb. Dyuk Ellinqton, Kaunt Beysi və Luis Armstronq kimi məşhur sənətçilərlə duet oxuyan Fitzcerald, caz, bossa nova, opera musiqisi tərzində mahnılar çıxarıb. Çıxardığı 200-dən çox albomu dünyada 40 milyondan çox satan Ella Fitzcerald, Kol Porter, Dyuk Ellinqton və Corc Gerşvin kimi bəstəkar və sənətçilərlə doldurduğu "Songbook" albomlarıyla böyük müvəffəqiyyət qazanıb. Kariyerasının qızıl illərində televiziyada da tanınmış bir sima halına gələn Ella Fitzcerald, "Bing Crosby Show", "Frank Sinatra Show", "Ed Sullivan Show", "The Tonight Show", "Nat King Cole Show", "Andy Willams Show" və "Dean Martin Show" kimi ABŞ-ın müəyyən dövrlərində ən öndə gedən şou proqramlarına çıxıb. Ella Fitzcerald, 1987-ci ildə ABŞ-ın keçmiş başçısı Ronald Reycn tərəfindən milli sənət medalına layiq görülüb. Son konsertini 1991-ci ildə Nyu Yorkun "Carnegie Hall" salonunda verən Fitzcerald, 15 iyun 1996-cı ildə həyata gözlərini yumub.